១. មនុស្សខ្លាំងពិតប្រាកដ គឺជាបុគ្គលដែលពុំចង់ឈ្នះចាញ់លើអ្នកដទៃទេ តែគ្រាន់តែរស់នៅសម្អាតចិត្តខ្លួនឯង ចេះធ្វើទង្វើល្អត្រឹមត្រូវ ហើយនិងប្រឹងប្រែងដោយគ្មានចិត្តលោភលន់។ មនុស្សធម្មតា គិតថាខ្លួននិងអ្នកដទៃ គឺដូចតែគ្នា។ មនុស្សអវិជ្ជមាន គិតថាខ្លួនអន់ជាងអ្នកដទៃ។ មនុស្សមានអំនួត គិតថាខ្លួនខ្លាំងអ្នកដទៃ។
២. បុគ្គលទាំង ៣ប្រភេទនេះ គឺពុំមែនជាមនុស្សគួរឱ្យរៀនសូត្រតាមឡើយ ពីព្រោះបើទោះបីជាគេជោគជ័យហួសមេឃ តែចិត្តរបស់គេនៅតែពុំសុខបានពេញលេញឡើយ។ ជ័យជម្នះពិតប្រាកដ គឺឈ្នះលើខ្លួនឯង ហើយបរាជ័យពិតប្រាកដ គឺចាញ់ខ្លួនឯង។ ធ្វើជាមនុស្ស បើមានតែចំណេះដឹង តែកុំច្រឡើសបើស។ កុំចេះយុទ្ធសាស្រ្តគគ្រិចបន្តិចបន្តួចយល់ថាខ្លួនអស្ចារ្យ។
៣. ចេះអ្វី និងដឹងអ្វីក៏ដោយ គឺត្រូវតែភ្ជាប់មកជាមួយនូវសីលធម៌និងគុណធម៌។ ចំណេះដឹងដោយឥតបានបំពាក់នូវគុណធម៌ ឬបារមី និងសីលធម៌ គឺវាតែងនាំខ្លួនឯងឱ្យរង្វេងដូចចំណុចទី១ខាងលើ។ នេះជាចំណេះដឹងថ្នាក់ពាល់។ រឿងខ្លះ យើងពុំអាចបញ្ជារត្រចៀកឱ្យស្រង់ក្លិនបានឡើយ៕
ប្រភព៖ ឡាំ ឡីម
0 comments:
Post a Comment